الدراسات بتقولنا
ان بين كل 4 اشخاص حواليك في 1 بيعاني من اضطراب نفسي , اي ان كان نوعه و اسمه لأن الآضطرابات النفسيه كتيرة و متشعبه جدا و الحقيق انا مش دكتورة نفسيه أو حد مؤهل لشرحهم .
لكن في المقال ده هنقدر نشوف ازاي احنا كأشخاص عاديين نقدر نساعد الي حوالينا من الي قد يكونوا بيعانوا من فوبيا معينه زي "الآماكن الخليه او المغلقه او الزحام او الاماكن المرتفعه ....و غيرها كتير "أو الي الأشخاص الي بتجيلهمPanicبعد تعرضهم لحوادث معينه أو مروا بتجربه سيئة .
** خلينا نعرف الفرق الأول بين الفوبيا و ال panic
الفوبيا بدون اي تعقيدات و مصطلحات علميه هي : نوع من القلق و الخوف الشديد من مواقف أو مواضيع محددة و بمجرد التعرض للمواقف دي بيثير عند الشخص الخوف و القلق الشديد بس الي بيميز الفوبيا عن ال Panic هو شده القلق و استمراريه الأعراض , الفوبيا الأعراض بتستمر لمدة سته شهور علي الآقل .** ازاي اقدر اساعد الشخص الي عنده فوبيا ..؟
1) لازم نكون :· متعاطفين
· هاديين
· واضحيين
"أنا عارف انك خايف و حاسس بخوف رهييب" و ده ضروري لأنه بيحسسه بالإطمئنان ان في حد فاهمه
2) ضرورة انه يروح لطبيب لأن في ادويه ممكن تتأخد قبل ما يروح مكان زحمه او يطلع مكان مرتفع هتقلل من احساسه بالخوف و القلق , فهنوضحله ضروره ده بهدوء .
3) هنطمنه بأننا هنفضل جنبه طوال الفترة الي هو مضطر التواجد فيها زي اننا نقوله ما تقلقش انا هفضل جنبك و ماسك ايدك طول الوقت .
4) نفكره بتمارين التنفس العميق و البطئ لأن ده بيفيد جداا في تقليل الشعور بالخوف و بيقلل النوبه .
5) حذاااري انك تجبره علي التواجد لو قرر في اي وقت انه يمشي من المكان لآن ده بيحسسه بانه محاصر و لأسف النوبه هتزيد و الأمر سيسوء.
6) في بعض التمارين السلوكيه هينصحه بيها الطبيب النفسي زي انه يتعرض للمواقف الي بتسسب الفوبيا بالتدريج يعني في الأول في وجود حد معاه يطمنه و بعد كده لوحده .
7) وطبعا نقطه 2 مهمه جداااا عشان احنا مش دكاترة نفسيين و عشان نقدر نساعده بالطريقه السليمه الي تتناسب مع حالته بالظبط.
** ازاي اقدر اساعد الشخص الي عنده Panic ..؟
1) لأزم تكون متماسك و ما توترش و هادي و حازم في نفس الوقت .2) مهم جدا انه يقعد و يمسك حاجه في ايده و يثبت رجليه علي الأرض لأن النوبه بتحسسه انه خارج الواقع شويه فده بيخليه يستعيد احساسه بالواقع بالمكان و بيشعره بالأستقرار و الأمان.
3) ساعده انه يتجنب الأفكار السيئه لأن النوبه هتحسسه انه هيموت , فطمنه بأنك تمسك ايده و تقوله "ما تخافش انا جنبك دي نوبه و هتعدي انت مش هتموت و لأحاجه".
4) نفكره "خذ نفس بالراحة ببطئ , املي صدرك هوا و طلعه بشوييش "
5) خليه يطمن نفسه و يردد الآتي " انا كويس مش هيحصلي حاجة , الخوف هو الي مسبب كل ده"
6) خليك جنبه لحد ما النوبه تعدي.
7) يفضل طبعا الذهاب للطبيب النفسي لأستشارته.
من الضروري ان يبقي عندنا وعي بالإسعافات النفسيه زي ما هو ضروري الإهتمام بمعرفه الإسعافات الأولويه في حالات الحوادث
و ربنا يحفظنا جميعا ..... دمتم بخير.
تعليقات
إرسال تعليق