الذات ليها طبقات
الذات ليها طبقات و إدراكها ممكن يشعر
باللذوعة و الحرقة علشان كدة سمناها “بَصلة
إدراك الذات
.”
يالابينا نتعرف مع بعض على طبقات
البصلة:
الطبقة الأولى : هى فهمك البسيط
لمشاعرك و انفعلاتك
.
يعنى تبقى مدرك "أنا هنا أشعر بالسعادة" ,"الشئ ده بيحزنى " , " السلوك ده بيعطينى أمل" ما تقلقش لما تلاقى نفسك مش على علم بالحاجات البسيطة دى عن نفسك لأنك ببساطة عمرك ما ركزت إنك تسأل نفسك الأسئلة دى, بالأضافة إلى إن فى حاجة أسموها العلماء "نقاط انفعالية عمياء" النقاط دى بتكون اتكونت معاك خلال سنين نشأتك...
وبيحتاج منك إنك تجرب وتحاول لحد ما
تتعرف على النقاط الانفعالية العمياء الخاصة بيك , والحقيقة هو أمر مهم يستحق
التجربة والمحاولة لحد ما تعرفه.
الطبقة الثانية: هى إيه السبب الى
خلانا نشعر ونحس بهذة المشاعر و الانفعالات بالذات؟
الأسئلة من أمثلة "أنا ليه حاسس
بالغضب ؟" هل لأنى ما حققتش الهدف بتاعى؟!
ليه أنا عندى شعور دائم بالكسل و ما عنديش حافز بيدفعنى للأمام ؟ "هل لإنى شايف نفسى مش جيد كفاية ؟!
",الأسئلة دى بتساعدنا فى فهم السبب الأصلى للمشاعر المسيطرة علينا , ولما
نفهم السبب الأصلى ساعتها بس هنبقى قادرين على "الفعل"و "التغيير".
الطبقة الثالثة: مستوى قيمنا الشخصية
أو المعايير الى بحكم بيها على نفسى و على الناس الى حوليا
الطبقة دى هى الأكثر أهمية ,لأن قيمنا
هى الى بتحدد طبيعة مشكلاتنا وطبيعة مشكلاتنا هى الى بتحدد جودة حياتنا .
نوضح أكثر, القيم هى أساس أى حاجة
بنعملها , كل شئ مبنى على القيم (الأفكار,الإنفعالات,المشاعر) كل شئ بنفكر فيه أو
نشعر بيه بيرجع في اخر الأمر لقيمك ومبادئك.
ممكن تجرب تجربة مع نفسك...فكر فى حاجة مضيقاك و أسأل نفسك عن السبب الى خلى الحاجة دى مضيقاك , ممكن تكون الإجابة لأنى فشلت...أرجع أسأل نفسك سؤال كمان هو ليه أنا شايفه فشل؟؟؟
مش ممكن يكون مش
فشل حقيقى ؟ وأن معيارى الى انا بفكر بيه هو الى مظهره على أنه فشل؟
ممكن نلخص الجزء ده بمثال "اثنين
أخوات واحد فيهم منزعج جدا لأن أخوه مش بيرد على رسائله أو بيتواصل معاه كثير
بالرسائل أو عبر التليفون
"
ليه هو منزعج ؟"لأن أخوه غير
مهتم بيه"
ليه هو شايف أن ده حقيقى؟ "لأنه
شايف ان اخوه لو كان عايز يبقى فى علاقة جيدة بينهم كان اهتم ورد وسأل.
طيب أنت ليه شايف إن علاقتك بأخوك شئ
مهم؟ "لأن الأخوة المفروض العلاقة بينهم تكون جيدة.
المثال ده بيوضح حاجتين القيمة:
الأخوات يجب أن تكون علاقتهم جيدة .
المقياس أو المعيار : التواصل عن طريق
الرسائل أو الهاتف.
القيمة فى المثال ده جيدة ومفيش
اختلاف عليها ,لكن المقياس او المعيار من الممكن انه يكون محتاج يتظبط أو يوسع
منظوره عن العلاقة الجيدة بين الاخوات.
العلاقة الجيدة ممكن تكون برده
بالأحترام المتبادل ,حب الخير لبعض ,فى وقت الشدة يكون جنبك مش بس التواصل عبر
وسائل الاتصال.
بمعرفة الطبقة الثالثة نكون خلصنا البصلة وبنقدر نتواصل أكتر مع ذاتنا من خلال قيمنا ومعاييرنا ومنها نقدر نتحكم فى مشكلاتنا الى بتتحكم فى جودة حياتنا.
تعليقات
إرسال تعليق