ادارة” الوقوع فى الخطأ”
من أعمق و أقوى المشاعر اللى بتضرب على طول فى ثقتك بنفسك هو شعورك إنك وقعت فى الخطأ ,لما بتغلط بتحس بموجة هائلة من الشعور بالخذلان من نفسك و تحس هو ازاى أغلط كده؟؟؟
و كأنك برده بجلدك لذاتك و تأنيب ضميرك المستمر هو العقاب المستحق و انك كده عملت الى عليك و مسكت نفسك هزئتها و ربتها ,بس فى الحقيقة أنت ما عملتش حاجة غير إنك كسرت فيها زيادة.
و نسيت إننا بنى ادميين طبيعى جدا نغلط و نحبط و نيأس و نغضب و ننكسف من نفسنا كمان ,مفيش حد ما بيغلطش ,و كمان مفيش حد لما بيغلط ما بيتملاش من جوه خوف و ألم .
الفكرة فى إدارة الوقوع فى الغلط إنك تجرب وتحاول و تغلط علشان تشوف نقط ضعفك و عيوبك الى محتاج تقوى تفسك فيها و لو ما غلطتش مش هتشوفها ,الغلط بيجى يصوبك , ربنا قادر على انه يخلى عباده كلهم مؤمنين لا يخطئون و لا يعصون و لكن كان فى حكمه من المعصية و الذنب و التوبة لتهذيب النفس و التواضع لله ,إننا نجرب و نغلط و نتعلم من غير يأس و إحباط و جلد للذات زى الى عمال يخبط رأسه فى الحيط وعلمنا حاجة اهم “أتبع السيئة الحسنة تمحوها” الى هيصلح الغلط هو التصرف الصح بعده .
فى النهاية لما تقع فى الغلط اعمل ال 3 حاجات دول:
-1 تقبل ادميتك و خطأك
و تتقبل و تستوعب إعصار الخوف واللوم الى جواك.
-2 تشوف ليه أصلا غلط؟؟ و
إزاى أخلى ده ما يتكررش؟؟
3- اتبع التصرف الغلط
بتصرف صح .
كن رحيم بنفسك ☺️....تقبل انسانيتك....تقبل خطأك ..... وأعمل الصح يا حزلقوم😉👌
إعداد وتقديم
تعليقات
إرسال تعليق