STAY ON YOUR COMFORT ZONE
في جميع الخطابات المحفزة... بتسمع الجملة الشهيرة
و ان النسبه الأغلب بتعاني من الخوف و الاضطراب لو خرجت برة منطقة الراحة الخاصة بيها و بتقل انتاجيتها لانها تعتبر ال Safe Zone ليهم.
و لذلك "EXTANDE YOUR COMFORT ZONE NOT LEAVES IT"
ال best practice لينا كلنا و لأغلبنا هو التمدد و ليس الخروج.
الفرق كبير جداا بين انك تمدد منطقه راحتك و تكبرها و تزود فيها حاجات جديده و بين أنك تنط برها خالص.
كيف امدد منطقة راحتي في ٣ خطوات؟
1. أسأل نفسك انا ليه المفروض امدد منطقه راحتي في المجال المعين ده؟ و هل ده ضروري؟
السؤال ده هيخليك محدد انت عايز تاخد الخطوة دي في انهي جزء في حياتك بالظبط و ده هيقلل خوفك انك لسه في مناطق راحة كتير ممكن ترجعلها في اي وقت.
كمان بتختار الجزء الأكثر ضرورة و الي أهميته عاليه للتغيير فالسبب بيكون لوحده حافز بيساعدك و انت بتاخد خطوات التمدد.
2. تقبل خوفك.
طبيعي جداا و انت بتاخد الخطوات الجديدة انك تشعر بالخوف..
كلنا بنشعر بالخوف.. و دي مشاعر طبيعيه جداا.. و في جملة بقولها كتير.. الشجاع مش الي مابيخافش.. الشجاع الي بيشعر بالخوف بس بيقدر يواجهه و يتعامل معاه.
3. Test & Retest
عارف لما تكون نازل حمام السباحة اول مرة.. بتفضل تنزل جزء من رجلك و واحدة واحدة بتنزل.. بتفضل تختبر المايه.. و تختبر العمق و تختبر درجه حراره المسبح لحد ما تحس انك في أمان انك تنزل..
هو ده بالظبط الي انت هتعمله مع الحاجة الجديده هتدخل بخطوات صغيرة و تختبر و هكذا لحد ما تحس انك تمام و قادر.
و مع ممارستها هيصبح الجزء الجديد من ضمن منطقه راحتك... و بكدة هتكون مددت منطقه راحتك و ما خرجتش منها و في نفس الوقت اتعلمت و خضت حاجات جديده و طورت من نفسك و من منطقه راحتك.
تعليقات
إرسال تعليق