من وحي الإنترفيوهات.!
* عزيزي التيستر الفريش أو الجنيورز :
الفترة الي فاتت كان ليا الشرف اني أعمل مقابلات لناس كتير و الحقيقه هي كانت ل Senior Position not Junior
و لكن لأسف اكتشفت أخطاء كتيرة بيوقع فيها التيستر في أول حياته و الي بتتأثر بيها كفاءتك حتي لو خبرتك عدت ال5 سنين و بقيت سنيور .
5 نقاط هلخص فيهم معظم الأخطاء الشائعة :
1. ما تشتغلش لوحدك :
ما تخليش احتياجك للشغل يخلي الشركات الصغيرة الي بتشتغل بأقل ميزانيه تستغل احتياجك للشغل و قبولك للمرتب الصغير
و تتعين لوحدك من غير تيم و طبعا بيقولولك الجملة الشهيرة بتاعت
(احنا بنعين و الله ...تعالي انت بس ة احنا عندنا خطط لتكبير التيم ) و ده خطأ شهير جدا لأنك بتكون متحمس انك تدخل سوق العمل بسرعة و تشتغل بقي في أرض الواقع ...
لكن لو اشتغلت لوحدك و انت لسه صغير مش هتتعلم ازاي تشتغل صح و لا أساسيات الشغل المظبوطة
مش بس كدة ...ده انت هتشيل شغل تيم كامل لوحدك و هتتحاسب علي ده كمان و تشيل الليلة كلها لوحدك .
2. اتعلم الأساسيات أولا:
ما تستعجلش انك تكون automation tester و انت لسه ما تعرفش اساسيات التيست
و تشتغل مانوال تيست شوية ... لأن التيست في الأساس هو mindset skills not code skills
ناس كتير ممكن تتعلم كود و يعمل framework لكن مش اي حد يعرف ايه السيناريوهات الي المفروض يتكتبلها تيست كيسز
و يكون شايف ال bug من عنده (المقصود عارف مناطق ال risks من أول التصميم)..
كتير للأسف لأن السوق دلوقتي بيطلب Automation كتيير بقي اول و اهم حاجة يتعلمها هي
ال Automation و يسيب ال Fundamental خالص...
و ده علي المستوي البعيد هيخليك محدود الإمكانيات و ما تنفعش تكون Senior or Team Leader .
3. ابحث عن ال Guide :
من المفيد جداا ليك في بداية حياتك المهنية يكون ليك Guide بيرشدك و يعلمك ازاي تبحث عن المعلومه و ايه اسرع و اسهل الطرق و يديك من خبرته
ده هيوفر عليك وقت و خبرة كتيرة قوي لو اتعلمتها لوحدك .
4. ابعد عن شركات ال One Product
في البدايه يفضل انك تشتغل في Software House عشان ده هيديك Varity في الأفكار و ال platforms
و خبرة في أنواع كتيرة من ال Software و ده هيديك مساحة أ كبر و فرص أكتر في سوق العمل بعد كدة.
5. ما تشتغلش في بيزنس واحد فترة طويلة:
الخطأ ده يمكن بسميه بالخطأ الخفي لأنه بيناقض مع مفهوم ال stability في الشركات ...
لأن مبدء ال stability بيقولك ان طول المدة في شركتك ده شئ ايجابي
(ايجابياته اتهرست قبل كده في عشروميه مقال) لكن الشئ السلبي هنا بيظهر قوي بشكل واضح لما تكون الشركة دي بتشتغل في بيزنس واحد ..
يعني مثلا بتشتغل في ال e-commerce بس أو انظمة البنوك أو انظمه العربيات
ده هيخلي خبرتك محدوده في مجال معين واحد ... فحتي لو خبرتك عديت ال 10 سنين مش هيتبصلها الا انها في مجال واحد و انك ابيض يا فل او سنين خبرتك ضعيفه في المجالات التانيه .
و بكده أكون لخصلتلك النقاط المهمه الي لأزم تاخد بالك منها و تساعدك يكون عندك نظرة مستقبليه لسيرتك المهنية.
إعلانات جمهور وأسرة المجلة من هنا
تعليقات
إرسال تعليق